اڳو تے موسمیاتی تبدیلی دے نقصانات توں بچݨ کیتے اہم فیصلے کرݨے ہوسن، وزیراعظم دا ماحولیاتی تبدیلی بارے تقریب نال خطاب

اسلام آباد۔3اگست(اے پی پی)وزیراعظم محمد شہباز شریف آکھیے جو اڳو تے موسمیاتی تبدیلی دے نقصانات توں بچݨ کیتے اہم فیصلے کرݨے ہوسن، اڄوکے سیلاب نال پاکستان اچ فصلاں، مال مویشی اتے انفراسٹرکچر کوںو دھ نقصان پجیے، پاکستان ڄھیاں ترقی پذیر ملک اینڄھے نقصان نئیں سہہ سڳدا۔ اے ڳالھ انہاں پاکستان دے ماحولیاتی سفر تے اڳونہی اتے جائزہ تقریب نال خطاب اچ آکھی جو سیلاب نال پاکستان اچ وݙی تباہی تھئی اے، زرخیز زمیناں بنجر تھین، کھڑیاں فصلاں دا ضیان تھئے، لکھاں لوک بے گھر تھین، کے پی کے، سندھ اتے جنوبی پنجاب سیلاب دی وݙی تباہی ݙٹھی اے، ایں سیلاب نال نٻݨݨ کیتے سنڳتی ملکاں وݙا ہتھ ونݙائے، سیلاب زدگان دی بحالی کیتے ارباں روپے لڳن ٻھل حالی وی متاثرین دی بحالی دا کم تھیندا ودے، پاکستان ڄھیں ترقی پذیر ملکاں کوں موسمیاتی تبدیلی نال وݙے بحران ٻھوڳݨے پوندن، کئی سال ایندے اثرات راہندن، ایں سانڳے قرض دا ٻھار چاوݨا پوندے، امید اے قرض دے شیطانی چکر توں نکل ویسوں۔

مضمون کا ماخذ : پاکستان لاٹری نمبر

متعلقہ مضامین