پاکستان تے افغانستان دا امن ھک ݙوجھے نال جڑیا ہویا اے ، موثر بارڈر مینجمنٹ اتے سکیورٹی ݙوہیں ملکاں دے مفاد اچ اے ، نگران وفاقی وزیر اطلاعات مرتضیٰ سولنگی

اسلام آباد۔24اکتوبر(اے پی پی) نگران وفاقی وزیر اطلاعات و نشریات مرتضیٰ سولنگی آکھیے جو پاکستان تے افغانستان دا امن ھک ݙوجھے نال جڑیا ہویا اے ، موثر بارڈر مینجمنٹ اتے سکیورٹی ݙوہیں ملکاں دے مفاد اچ اے۔ اے ڳالھ انہاں افغان صحافیاں دے وفد نال ملاقات اچ آکھی اے ۔ ملاقات اچ افغان صحافیاں دے مسئلے، ویزا معاملات اتے ٻئے اہم امور تے ڳالھ مہاڑ تھئی ۔ نگران وفاقی وزیر اطلاعات آکھیے ذرائع ابلاغ دی ذمہ واری اے جو امن دشمناں دی نشاندہی کرے تاں جو ریاست انہاں کوں شکست ݙے سڳے۔ انہاں آکھیے افغان صحافیاں دے ویزا معاملات تے وزارت داخلہ اتے وزارت خارجہ نال رابطہ کیتا ویسی ، پاکستان ھک ذمہ وار ریاست دے طور تے ایں امر کوں یقینی بݨیسی جو سارے غیر ملکی قانونی طریقے نال ساݙے ملک اچ داخل تھیون ۔ افغان صحافیاں دے وفد نگران وفاقی وزیر اطلاعات دا مسئلیں دے حل دا یقین ݙیواوݨ تے شکریہ ادا کیتے۔

مضمون کا ماخذ : کراچی لاٹری

متعلقہ مضامین