وفاقی وزیر منصوبہ بندی، ترقی، اصلاحات تے خصوصی اقدامات اسد عمر دی صدارت اچ نیشنل کمانڈ اینڈ آپریشن سینٹر اچ اعلیٰ سطح دا اجلاس

جمعة الوداع، شب قدر،عیدالفطر دی نماز سانگے ایس او پیز، غیر ملکی پروازاں کھولنڑ،پی پی ایز اتے طبی آلات دی تعداد اتے ترسیل دے معاملیاں تے غور کیتا گیئا
اسلام آباد ۔ 20 مئی (اے پی پی)وفاقی وزیر منصوبہ بندی، ترقی، اصلاحات تے خصوصی اقدامات اسد عمر دی صدارت اچ نیشنل کمانڈ اینڈ آپریشن سینٹر اچ اعلیٰ سطح دا اجلاس تھیا۔اجلاس اچ جمعة الوداع، شب قدر،عیدالفطر دی نماز سانگے ایس او پیز، غیر ملکی پروازاں کھولنڑ،پی پی ایز اتے طبی آلات دی تعداد اتے ترسیل دے معاملیاں تے غور کیتا گیئا ۔ وفاقی وزیر داخلہ بریگیڈیئر (ر) اعجاز احمد شاہ فورم کوں ڈسیا جو یوم علیؓ تے مختلف ضلعیاں اچ کیتی گئی کجھ خلاف ورزیاں دے بعد مکاتب فکر دے علماءکرام حکومت ولوں پابندیاں اتے ایس او پیز تے عمل نہ کرنڑدا عندیہ ڈتے،حالانکہ یوم علیؓ توں پہلے سارے صوبیاں این سی او سی دے فورم تے اتفاق کیتا ہئی جو پورے ملک اچ کتھائیں وی یوم علیؓ دے موقع تے جلوس اتے مجلساں کائنا تھیسن جڈانجو اوندے باوجود اینویں تھیا اتے وی آئی پی شخصیات جلوساں اچ شرکت کیتی حالانکہ جلوساں اتے ہجوم نال کوروناوائرس کھنڈنڑ دا خدشہ بہوں ودھ اے۔ سیکرٹری ایوی ایشن حسن ناصر جامی ڈسیا جو 21مارچ توں فضائی حدود بندی پاروں سول ایوی ایشن ہر ہفتے ڈو ارب توں ودھ دا ضیان چیندی پئی اے۔انہاں ڈسیا جو پی آئی اے ولوں خصوصی پروزاں اج ملک اچ پج ویسن اتے ہوائی اڈے ایس او پیز تے عمل کریندے پئن۔

مضمون کا ماخذ : sorteos میگا سینا

متعلقہ مضامین