ڈاکٹرسکندر میندھرودی نشست تے انتخاب کیتے جاری شیڈول واپس یا ملتوی کیتا ونڄے ،چیئرمین سینیٹ

اسلام آباد۔16جون (اے پی پی):چیئرمین سینیٹ محمد صادق سنجرانی آکھیے جو پاکستان پیپلزپارٹی دے سینیٹر ڈاکٹر سکندر میندھرو دی حالی تدفین نی تھئی ، الیکشن کمیشن انہاں دی نشست تے الیکشن شیڈول جاری کرݙتے ، اے الیکشن شیڈول واپس یا ملتوی کیتا ونڄے ۔ خمیس کوں سینیٹ اجلاس اچ قائد حزب اختلاف سینیٹر ڈاکٹر شہزاد وسیم آکھیے جو ڈاکٹر سکندر میندھرو دی حالی تدفین وی نی تھئی جو الیکشن کمیشن انہاں دی نشست تے الیکشن کیتے شیڈول جاری کر ݙتے تے اڄ توں کاغذات نامزدگی وی وصول کیتے ویندے پئن ۔ سینیٹر بہرہ مند تنگی آکھیے جݙاں تئیں نشست خالی قرار نہ ݙتی ونڄے شیڈول جاری نہ تھیوݨا چاہیدا ہئی ۔ سینیٹر مشتاق احمد آکھیے جو الیکشن کمیشن آپݨے مینڈیٹ توں تجاوز کیتے۔ سینیٹر اعجاز چوہدری آکھیے الیکشن کمیشن توں اپیل نی کرسڳدے کیوں جو او تاں کوئی اپیل سݨدے ہی کائنی ، الیکشن کمیشن اپݨی ذمہ واری پوری کریندے تاں پنجاب اچ ایں طرح دی صورت حال نہ ہوندی ۔ سینیٹر اعظم سواتی آکھیے جو ڈاکٹر سکندر میندھرو دی تدفین دے بعد ہی الیکشن شیڈول جاری ہووݨا چاہیدا ہئی ۔ سید یوسف رضا گیلانی آکھیے ساݙی پارٹی دے رکن ہن ، اساکوں شیڈول تے کوئی اعتراض کائنی اداریں تے تنقید نہ کیتی ونڄے

مضمون کا ماخذ : جنگل کے راز

متعلقہ مضامین